Kocha Msaidizi wa Yanga Cedric Kaze amesema kikosi kiko tayari kwa mchezo wa ligi kuu dhidi ya Azam Fc ambao utapigwa kesho Jumapili katika uwanja wa Benjamin Mkapa
Akizungumza katika mkutano na wanahabari leo, Kaze amesema wamejiandaa kukabiliana na Azam Fc katika mchezo ambao utakuwa mgumu
"Tunafahamu Azam Fc wana timu nzuri, wachezaji wetu wanajua umuhimu wa mchezo huu, tunahitaji kushinda ili tuongeze wigo wa pointi dhidi yao"
"Tunacheza na timu ambayo tunashindana nayo katika ubingwa, kwetu ni wakati mzuri wa kuwatoa njiani na kujiweka katika nafasi nzuri zaidi," alisema Kaze
Akizungumzia utayari wa wachezaji, Kaze amesema wachezaji wote wako tayari kwa mchezo huo akiwemo kiungo Feisal Salum 'Fei Toto'
"Tumefanya mazoezi kwa siku mbili, wachezaji watakaotumika kesho ni wale ambao wako tayari na wamefanya mazoezi vizuri. Feisal anaweza akatumika kwa sababu amefanya mazoezi kwenye siku hizi mbili za nyuma na tunaamini ni mchezaji ambaye anaweza kukupa kitu tofauti uwanjani"
.jpeg)
